Klemmi, sem í raun heitir Klemenz Geir, unir sér hvergi betur en á fjöllum. Hann hefur verið í bransanum í næstum 30 ár.  Hann er heimasmíðaður undir rótum Heklu eða á bænum Hólum. Klemmi hefur mikla ástríðu fyrir því að leiðsegja og jeppast um landið.  Á sínum yngri árum starfaði hann sem lögregluþjónn og sjúkraflutningamaður.

Didda eða Svanbjörg, vann á rannsóknarstofu hjá Íslenskri Erfðagreiningu, áður en hún sneri sér alfarið að ferðaþjónustu og sótti sér BA gráðu í ferðamálafræði ásamt diplómu í viðburðastjórnun.  

Siggi er reynslubolti þegar kemur að leiðsögn. Hann lærði leiðsögn við Leiðsöguskólann í Kópavogi og hefur sérhæft sig í jöklaleiðsögn. Hann hefur farið ófáa leiðangrana á Hvannadalshnúk með hópa. Siggi er undanfari í björgunarsveit. Núna stundar hann nám í viðskiptafræði.